回顧2013....展望2014

2013年。。。對農婦而言，是頗難捱的一年。。。

身體開始差，壓力像是揮之不去

因為感冒但未能有足夠休息，由一月中開始失聲一個月；然後由九月中秋開始到十月中，所有假期連星期六日，也要工作，身體真的垮下來。。。感覺就好像身體是永遠不會恢復過來，痛定思痛，開始跟醫師調養身體。。。

工作方面，2013是追夢的一年。。。本來已安排好，放下都算幾高薪的職位，去做由小時已想做的。。。去做女俠，去濟貧，並且和我心儀的慈善機構聯繫好，打算2014年春天上任。。。連辭職信也預先打好簽好，仲封好埋（信封難攪呀！又唔可以請秘書幫手），但就在遞信的前一星期，聽到上主聲音跟我說：祂給我的，是不用我自己張羅（我答：已張羅好了呀！），而是祂指示給我，而且，時間不是我選的，是祂選給我的，為的，是讓我無憾(??)。。。

那星期輾轉難眠，而且雖然做了二十年基督徒，如此這般不是聖經默示，而是「同你講嘢」的指示，還是頭一遭！

不停問農公，是我聽錯嗎？是我誤會了嗎？但種種經歷印證，都顯示無聽錯

然後神再來一句：祂要的，是我的順服。。。。

便乖乖的按兵不動。。。未幾，傳來一位經理得了病，要休息至少三個月的消息 。。。

登時豁然開朗。。。留下，是還有未完的使命。。。

但我的夢未完，期望並相信，祂的安排，是對我最好的安排。

而且，上帝的恩典是夠用的。。。每次我覺得捱不下去，祂總有鼓勵，總會有天使陪我跨越一關又一關。。。

2013年，也是慢慢放下obsession的一年。。。農婦是一名袋怪，見到好看的，無論大袋小袋都想要。。。但看着自己的袋群，真的不能浪費下去，就設下一年不買超於兩個袋的上限。。。今年，用埋農公的QUOTA，再加上辯稱雜誌送的袋不算，勉強算達標。。。但買的數目，已大大減低，也更明白限制有時可增加樂趣。。。

買少幾個袋，也不會影響生活質素。

其實農公是鐘乖怪，但愈來愈難找獵物。。。

人際關係，就感恩和農公是愈來愈恩愛，但由於時間有限，見朋友的時間少了很多。。。常有孤獨精的感覺。。。希望明年這方面有改善。

展望2014。。。希望在戒袋方面更進一步，只買兩個，兼不能借用別人的QUOTA。。雜誌（送袋的）也只能買兩本。。。

另外，倆公婆在玩樂方面也要收斂下。大原則是玩樂的花費不能比捐獻多。。。要買得多，便要捐獻得更多。。。

說真的，買文玩，從來不一定要大花費，這對泥人老公公婆婆，手工細，6。70年代的作品。。。只要幾十塊錢。也可把玩一番

希望能更少發脾氣，更懂關心人，更能體恤體諒人。。

並且戒掉粗口。。。再者，學習在每個骨節都發出正能量！

祝大家2014年比2013年各方面都進步，世界更美好！

2013年日本夏之旅--最後日半

最後一日半，喺HEA地買新鮮食品，我哋以前會好「無知」咁帶和牛返香港，但自從幾年前嗰個千刀殺的無聊澳洲移民自己帶牛肉入境又白白痴痴去海關度「自首」，仲上埋新聞。。。攪到我呢啲人無得再話不知者不罪。。。就無得買牛（或雞或豬），但可以買蟹同魚。。。同菜

我地去上野，但吉池重建，新鮮食品少好多。。。入左Ameyoko買桃

再入吉池買少少菜

大家認住呢個LABEL。。。超好飲蘋果汁（在新青森站買的）

二人走的格局。。。算是愈來愈少嘢

Narita Express --- 慢過Skyliner---但有JR pass，不用白不用。。。

（雖然如果無pass，又住酒店，首選Airport Limosine )

但如果BLOG友都係池袋JR走，試吓揾下入閘後的一家即場做厥餅。。。好好味

Narita Express 車上賣的熱綠茶。。竟然好好飲

上次坐ANA，在香港機場係用UA極唔得的LOUNGE。。。所以諗住今次坐UA，在東京應該用返ANA的LOUNGE（超正的）。。。點知，UA竟然有自家LOUNGE T^T

係史上（唔計內地）最差的LOUNGE。。。勁擠迫。。。個WIFI又雞。。又無嘢食

好在有自家帶備的好嘢

超核突LOUNGE

仲有呢個在成田機場幾乎唔可能揾到的原始TOILET。。。阿公嗰啲都實有Bidet >_<

上到機。。。只有呢的遠古嘅微型電視播放三輪舊片。。。

即是睇得出係舊。。。但睇唔出係乜片嗰隻。。。

個飛機餐其實唔算核突。。。年事已高嘅空嬸亦好努力SERVE你。。。仲見到有鬼佬側側膊坐上來

呢啲緊要關頭。。。都係靠自己

會唔會再坐UA? 。。。。佢嘅BUSINESS CLASS。。。喺平好多。。。但一分錢一分貨。。。。農公覺得有電影睇好緊要。。。呢個。。。除非黑仔強。。。唔係嘅話, CATHAY就算ECON都有部私人電視俾你玩。。。所以非必要。。。都應該唔多會再坐UA了。。。

銀座的牛奶妹和木曾路

到東京，以前甚少往銀座。。。都是愛去庶民之地。。。

但作為好妹妹，要幫農姊的大客買BAOBAO，

作為好老婆，要陪農公買牛奶妹（銀座不二家的貨較齊）。。。

今次去日本，適逢有PEKO AT GINZA （只係一年兩次），就更要去啦！

農公緊張，未開門就去排隊。。。已有一啲同農公一樣的緊張大師

乖乖排隊，不二家的職員請你吃糖，竟然好吃。。。

不同細細粒電話繩（有成幾十粒！），一粒525日元。。。

我家有一半（更有相同的...）。。。真的好好搵

會場有好多福袋，日本姊姊就算見你唔識日文，同同你交流。。。睇吓邊個袋似有正嘢，極友善。。。同喺香港驚死你搶佢好嘢差好遠。。。

行完，餓，見呢間個名有趣，入內一試

叫左兩客不同的夏天SETS。。。頗便宜。。。味都幾好（唔係嘩一聲，但好唔錯）